La llei de pareyes da resultáu

L'Institutu d'Atención Social a la
Infancia, Familia y Adolescencia d'Asturies dio anuncia de que pareyes de persones del mesmu sexu pidieron yá acoyer en casa a rapacinos d'alcuerdu cola Llei de pareyes d'Asturies, aprobada esti mesmu añu. L'Institutu, dependiente de la Conseyería de Servicios Sociales, atiende yá más de trenta solicitúes pa que otros tantos neños y neñes que viven agora en centros d'instituciones públiques puedan beneficiase d'esta llei, que convirtió a Asturies na segunda comunidá depués de Navarra na que persones del mesmu sexu pudieron, si non adoptar, si tener n'acoyida a menores d'edá.Dende l'asociación Xente Gai Astur (Xega) celébrase esta anuncia al mesmu tiempu que critiquen que'l Gobiernu español, que tien potestá pa permitir l'adopción, sigue aneciando en nun dar de pasu tala opción. La noticia n'Asturies vien a coincidir col congresu n'América de l'Asociación de Médicos de Familia nel que s'aprobó una resolución asemeyada a la que ficiere a primeros d'añu l'Academia de Pediatría a favor de los núcleos familiares ensin tener en cuenta la orientación sexual de los padres