La inmobiliaria FADESA va facer una colonia en Ribeseya

La empresa gallega FADESA va entamar una nueva promoción inmobiliaria n´Asturies, concretamente nel conceyu de Ribeseya. El Grupu FADESA dio anuncia d´esta inversión xunta otres que cuenta con facer en Sevilla, Ourense y Barcelona nel marcu del Salón Inmobiliariu de Barcelona "Meeting Point". Estos proyectos inmobiliarios van suponer unes inversiones de 167 millones d´euros. El proyectu de la primer inmobiliaria gallega y una de les primeres nel Estáu consiste nuna urbanización nomada "Urbanización Santa Marina" que va constar de 380 viviendes (apartamentos y dúplex) empobinaes a segunda residencia, too ello con una inversión de 47 millones d'euros.

Según la inmobiliaria, Ribeseya tien un marcu escepcional pol so paisaxe "ente la mar y el monte" asina como la belleza histórica y natural del conceyu, ello arriendes del importante cálter turísticu del conceyu.

L'anuncia de FADESA ye otra muestra de la presión urbanística que va aumentando alredor de l'autovía del Cantábricu, que ta xenerando un fenómenu inmobiliariu ensin precedente nel oriente astur. Les más d'estes viviendes nun van tener compradores asturianos, sinon qu'estes promociones faense a costafecha pa vendeles fuera del país, ufiertándo-yosles a un públicu de munchu poder alquisitivu que suel ser de procedencia vasca.