La inmigración torgó qu'Asturies perdiere población nel 2004

Ayeri diéronse a conocer los datos del padrón municipal actualizaos al ún de xineru del 2005. Según los datos oficiales del Institutu Nacional d'Estadística, Asturies ye la comunidá en que menos creció la población a lo llargo del 2004 y tamién la comunidá que tien menos estranxeros asitiaos nel so suelu.

En total los datos del padrón amuesen una población de 1.074.500 asturianos, exactamente 1.000 más que nel 2004, lo que supón una xuba del 0'07 por cientu. Esa pequeña xuba nun la da la población autóctono, y asina ye que l'añu pasáu vinieron a Asturies cerca de 4.000 estranxeros, lo que fai qu'esti colectivu torgue la yá tradicionalperda de población d'Asturies.


Con too y con ello, Asturies nun ye tierrra d'acoyida pa inmigrantes, y mientres la media estatal de población inmigrante yá ta nel 8,4%, n'Asturies malpenes ye del 2,5%. Marroquinos, ecuatorianos y rumanos son los colectivos estranxeros más numberosos.
Ver datos na web del INE