La incineradora yá ta nes fueyes del BOE

El Boletín Oficial del Estáu (BOE) publicó esti llunes la convocatoria per parte de la Coxersa de licitación del contratu pa la redacción del proyectu, construcción y puesta en funcionamientu de la incineradora en Serín (Xixón).

El presupuestu base de licitación ye de 295.000.000 euros y la fecha llenda de presentación ye'l 14 d'avientu del 2010 hasta les 14.00 hores, según los datos recoyíos por Europa Press. 
  
La publicación reflexa una plazu d'execución/entrega de 76 meses
--a partir de l'axudicación del contratu-- y nun almite prórroga. Nel apartáu de tramitación y procedimientu, Coxersa señala que va rexise por una tramitación ordinaria con un procedimientu reserváu.
  
No referente a los criterios d'axudicación, va optase pola ufierta económicamente más ventaxosa teniendo en cuenta los criterios que figuren nel pliegu de cláusules alministratives particulares de los artículos 13-4.
  
Nesti mesmu sen, el BOE publica tamién que la compañía pa la Xestión de Residuos n'Asturies, S.A. (Coxersa) convoca licitación del contratu pa la dirección facultativa de la construcción y puesta en marcha d'una planta de valorización enerxética, na modalidá de redacción del proyectu y obra, asina como pa la supervisión del proyectu d'esa obra, y valoración de les ufiertes presentaes na fase de licitación.
  
Va tener un plazu d'execución/entrega de 52 meses y un importe total de 4.779.000 euros. La fecha llenda de presentación va ser el 22 d'avientu del 2010.