La ILP pa derogar la tauromaquia como bien de patrimoniu cultural gana apoyos n'Asturies

Dellos políticos sofiten la campaña que nel país ta coordinando Asturies Antitaurina. Éstos son los llocales onde poder firmar.

Mediu centenar de persones axuntó na tarde del sábadu na xixonesa Café y Libros La Revoltosa pa conocer los detalles de la Iniciativa Llexislativa Popular (ILP) que pide derogar la Llei 18/2013, del 12 de payares, pa la Regulación de la Tauromaquia como Patrimoniu Cultural. Presentábase la campaña que se ta moviendo en tol Estáu baxó'l nome de 'Nun ye la mio cultura' col oxetivu d'algamar les 500.000 firmes necesaries, con plazu hasta payares, pa que la ILP pueda ser almitida a trámite.

Sergio Fernández y Inés Prada, de Verdes-EQUO, acudieron al actu y tresmitieron a los promotores el so sofitu a la iniciativa. Les conceyales xixoneses Olaya Suárez (Podemos) y Noelia Ordieres y Javier Suárez Llana (Convocatoria por Xixón) sofitaron en redes sociales la ILP, al igual que la diputada Covadonga Tomé y el parllamentariu por Asturies de Sumar, Rafael Cofiño.

Les persones que quieran firmar la ILP va poder facelo nos siguientes llocales:

• Xixón: Librería La Madriguera, Café y Libros La Revoltosa, Puzzle Vegan Bar, Café con Pan, Ohlash Estética, La Perroteca, Restaurante Flowfood, La Calabaza, Bar Pasiones, En el Modo D, Poison Heart Clothing, Centro Veterinario Villa de Gijón y Asociación Protectora Locura Gatuna.
• Siero: Asociacion Biodevas y Protectora de Animales de Asturias.
• Uviéu: Cervercería La Raposa.
• Noreña: Hotel-Guarderia Cuidamiau.
• Castrillón: Bioruta Productos Ecológicos.
• Llangréu: Animales en Apuros Langreo.