La gripe algama nivel d'epidemia
15 Payares, 2003 por Redacción
- Inicie sesión o rexístrese pa espublizar comentarios
La gripe n'Asturies yá presenta niveles d'epidemia, según dio anuncia ayeri pela tarde'l Serviciu de Vixilancia Epidemiolóxica de la Dirección Xeneral de
Salú Pública.
La consideración d'epidemia dase en pasando de 1.000 casos per selmana, y según los datos d'esti serviciu, esta selmana rexistráronse 1.773 casos, cifra que dexa la tasa por cada 100.000 habitantes nun 164,9.
Pa más aquello, la gripe ta entrando nun picu d'incidencia bien grande, y asina mientres va quince díes rexistrábense 660 casos, la selmana pasada la cifra yá foi de 972, raspiando cola epidemia.
El Serviciu de Vixilancia diz que, anque'l picu d'incidencia ta viniendo con una migaya d'adelantu sobre lo que se contaba, la tasa d'afectaos ye asemeyada a la d'otros años, sacantes los dos últimos, que foi mui baxa, y polo tanto nun hai razón p'alarmase. Per zones, namás l'aria sanitaria II (Cangas del Narcea) queda llibre pel momentu del ataque de la gripe, siendo l'aria VII (Mieres) onde más s'acusa'l mal.
Efrén d'Andrés
