La Grand-Place de Bruxeles acoyó una celebración con motivu del Día d'Asturies

El Manneken Pis vistió'l traxe del país y una bandera esta fin de selmana nesta iniciativa del centru asturianu na capital belga.

Coincidiendo cola celebración del festival Folklorissimo, el Centro Asturiano de Bruselas festexó'l Día d'Asturies. La cita con sede na Grand-Place, corazón de Bruxeles, presentó a belgues y visitantes sidra, quesu Cabrales y otros productos del país.

Tamién el nuesu folclor, con presencia de gaiteros, pandereteres y baille asturianu. Como ye vezu, el Manneken Pis, popular estatua asitiada na redolada de la plaza, tornó a vistir col traxe'l país y una bandera d'Asturies.

Otra manera, el pasáu día 11, con motivu del 8 de setiembre, hebo una misa dedicada a la Santina na ilesia del rastru, onde tampoco nun faltaron los bailles.

Semeya propiedá del Centro Asturiano de Bruselas.