La gaita asturiana a estudiu nunes xornaes

L'Archivu de la Música Tradicional del Muséu del Pueblu
d'Asturies y el Serviciu d'Enseñances Artístiques del
Principáu d'Asturies, entamen trés díes de ponencies y
alderiques al rodiu del instrumentu más representativu de la
música asturiana, la gaita.



Estes xornaes van desenvolvese los díes 20, 21, 22 de mayu nel
Muséu del Pueblu d'Asturies de Xixón. El programa de les mesmes ufierta una
serie de ponencies, comunicaciones y alderiques que van tocar temes
tán estremaos como l'oficiu de gaiteru, l'orixe y evolución de la
gaita asturiana o les fasteres de transición ente la gaita gallega y l'asturiana,
ente otros. Pa falar de toes estes cuestiones van tar nomes perconocíos
dientro del mundu de la gaita o de la investigación etnográfica.
Asina Pedro Pangua, el propiu Alfonso Fernández, director del
Muséu de la Gaita, Daniel García de la Cuesta, Carlos Moreno
García, Flavio Rodríguez o Lisardo Lombardía van tar
presentes nesta iniciativa d'espardimientu de tolo qu'arrodia la gaita
asturiana.



L'accesu a les xornaes ye llibre y de baldre, pero les places tán llimitaes
asina qu'hai qu'acutar sitiu llamando al 605 176 482. Pa ver los horarios,
temes y ponentes de les xornaes ufiertamos a los nuestros llectores el programa oficial
completu nesti enllace.