La Fundación de Música Moderna esparde la música asturiana

La Fundación de Música Moderna entama la IV edición del Programa de conciertos de Branu.

Esti interesante programa entámalu la Fundación de Música Moderna que ye una entidá avilesina que nació en 1.995 col envís de crear una infraestructura independiente pal desarrollu de la música moderna. Con esti oxetivu la fundación forma, asesora, edita y promociona a grupos de jazz, folk, pop y rock, amás de buscar puestos de trabayu en condiciones dignes pa los músicos asturianos. La fundación tien la so propia compañía discográfica (FM Records) y una asociación cultural (Club FM) na qu'hai más de 300 socios.

Ente munches de les actividaes de la Fundación ta esti programa de conciertos veraniegu que va tener alredor de 150 actuaciones de más de 18 grupos. Esti programa cuenta col sofitu de la Dirección Xeneral d'Emplegu y el Fondu Social Européu y nél participen los conceyos d'Avilés, Cangas del Narcea, Cangues d'Onís, Castrillón, Colunga, Cuideiru, Gozón, L'Infiestu, Llanes, Mieres, Parres, Pravia y Villaviciosa . Amás la Fundación tamién va facer conciertos en directo na so sede d'Avilés, C/ José Cueto, 16 ( Edificio Maspalomas ), donde va ser el IV Festival de Grupos Asturianos ente'l 26 de Xunetu y el 8 d'Agostu, con conciertos diarios a les 24:00 hores. Calcando equí pue vese un documentu col programa completu d'actuaciones.