La Fundación Caveda y Nava llama al entendimientu

La Fundación Caveda y Nava pronunciose güei oficialmente sobre'l clima de tensión en que tan viviendo les instituciones encargaes del idioma asturianu de va unes selmanes p'acá. La Fundación, nel so comunicáu, llamenta l'enfrentamientu ente Academia y Conseyería de Cultura, criticando pa contra esta al afirmar que rebaxar la categoría del asturianu na enseñanza primaria y secundaria, como se propón dende la Conseyería, nun paez un camín aceptable. La Fundación fai un llamáu al entendimientu institucional y pide que s'interpreten los artículos de la Llei d'Usu y Promoción del Asturianu de manera abierta, progresiva y xenerosa.