La Fundación Belenos aplaza'l XXI Seminariu d'Estudios Asturianos

Diba celebrase en La Puela'l 21 y 22 de payares baxo'l títulu 'La llende escura: les mazcaraes d’iviernu n’Asturies'.

La situación sanitaria d'anguaño obliga a la Fundación Belenos a aplazar el XXI Seminariu d’Estudios Asturianos. La idea que manexa esti coleutivu ye treslladar tol programa previstu pa esti añu al viniente.

Oscar González, Elías Veiga, Ánxel Nava, Naciu ‘i Riguilón y Pablo Canal yeren les persones que diben intervenir nestes xornaes, dedicaes a les mázcares d'iviernu. Éstes diben completase con una esposición sobre los Mazcaritos d’Uviéu na Casa Cultura de La Puela y con una mazcarada y pasucais el día últimu.

Númberu 40 de 'Asturies'

Dada esta supensión, Belenos va poner tol enfotu agora na espublización y espardimientu del númberu 40 de la so revista, 'Asturies, memoria encesa d’un país'. Ésta yá ta n’imprenta y a piques d’asoleyar.

Na semeya, dos sidros nun desfile en Valdesoto xunto con mazcaraes d'otros países.