La fuelga que "mola"

A dos selmanes de la fuelga xeneral del 20 de xunu, y posiblemente en viendo la capacidá de convocatoria cada vez más pequeña que tienen sindicatos y partíos políticos pa llevar xente a les movilizaciones, hai quien trata de que'l paru xeneral d'esti mes garre un aquello más mozu y desenfadao. Polo menos esa ye la impresión que se tien cuando se visita www.estahuelgamola.org, un web "de diseñu" nel que se llama a la participación na fuelga. N'Asturies.com nun pudimos renunciar a saber quien yera la persona o institución capaz de facese con un nome de dominiu tan graciosu, y cual nun foi la sorpresa cuando vimos que'l dominiu taba rexistráu a nome de Nuria Arevalo, una moza que'igual nun ye demasiao popular pero que ye presidenta del Conseyu de la Mocedá d'España y ún de los nuevos valores del PSOE. Yá que'l Partíu Socialista ye ún de los que más ta tirando pola fuelga, quiciás l'encargu d'esta web venga directamente d'un encargu de Zapatero, pero esa sospecha parez que queda descartada en viendo la radicalllista d'enllaces qu'aconseyen nel web de la fuelga "molona": dende grupos d'okupes o movimientos de grupos anticárceles hasta'l mesmu Tupac Amaru.