La FSA manda callar a los socialistes llangreanos na tema de la oficialidá

El clima de nervios en que se vivió tola selmana en Llangréu pola tema de la retirada de la oficialidá resolviose a la fin d'una manera un poco inesperada, anque quiciás nun seya mal apañu: Llangréu va siguir cola impugnación de la retirada énte'l Supremu y amás va elevar a la Xunta Xeneral del Principáu una petición pa que se cambie l'estatutu incluyendo la oficialidá. Lo curioso ye que'l partíu que discurrió esta segunda midía, el PSOE, acabó absteniéndose na votación por nun enfrentase al criteriu dominante na FSA, que ye contraria dafechu a sacar esta tema, como avisó esta selmana Fernando Lastra, secretariu de política institucional de la FSA-PSOE. D'esta manera, los solos votos de IU valieron pa sacar alantre dambes propuestes, mientres que los otros dos grupos con representación nel conceyu (PSOE y PP) abstuviéronse. Sicasí, el representante socialista, Emilio Granda, anque nun quixo romper la disciplina de partíu, recordó que "la oficialidá ye l'unicu camín"