La Fiscalía de Mediu Ambiente abre dilixencies sobre los vertíos de Pion denunciaos pola Coordinadora

La denuncia de la Coordinadora Ecoloxista d’Asturies poles 1.500 tonelaes d’escories salines de segunda fusión vertíes nuna finca nun autorizada de Pion va p’alantre. La Fiscalía de Mediu Ambiente ta acabante d’abrir dilixencies d’investigación.
 
La peligrosidá principal d’estos residuos illegales, que procederíen de la empresa Alusigma, asitiada nel polígonu xixonés de Somonte, yera la posibilidá de que l’agua filtrada per estos materiales pudiera llegar al ríu España, provocando un impautu fuerte nes sos agües y fauna. Esti tresporte d’escories salines a la finca maliaya non autorizada fixóse l’añu pasáu en camiones y, según señalen dende’l coleutivu ecoloxita, tovía pueden vese nel rellén del aparcamientu.
 
Tres esti primer ésitu, dende la Coordinadora esperen que “se sancione de manera adecuada a los responsables” de los residuos de Pion y que “se proceda a retirlos pa treslladalos a un xestor autorizáu y asina evitar el riesgu que suponen”. El coleutivu ecoloxista tamién denunciara la situación d’esta parcela ante viceconseyería de Medio Ambiente y la Confederación Hidrográfica del Cantábricu.