La figura de Fierro Botas recibe homenaxe esti sábadu

La figura del cura xesuita y destacáu asturianista Federico Fierro Botas, desapaecíu el mes de xunu n'accidente de coche en Rusia, recibirá homenaxe esti sábadu 28 de setiembre nel barriu del Nataoyo de Xixón, onde vivió y trabayó. Los colectivos qu'entamen los actos, de los que Fierro militaba en bien d'ellos, son el coleutivu Manuel Fernández de Castro, la ONG Xusticia y Paz, la Sociedá Bíblica, la Comunidá de Xesuites de El Nataoyo, l'Asociación d'Antiguos Alumnos del Revillagigedo, el Foro Arrupe, la fundación Caveda y Nava y la Fundación Nueva Asturies. Arriendes d'estes organizaciones, otres asociaciones culturales, partíos políticos y organizaciones de toa triba sofiten esti actu La xornada tendrá d'una parte un actu relixosu y otru laicu. El primeru consistirá nuna misa que se dirá a les 7de la tarde na parroquia de San Esteban del Mar, mientres que l'actu laicu sedrá un poco depués nel Hogar de San Xosé, onde se lleerán dellos testos espeyando toles estayes qu'abarcó esti asturianista de fonda formación humanística.Los organizadores d'esti homenaxe tan intentando que l'homenaxe seya un actu lo más ampliu posible, polo que'espardieron invitaciones a bien de persones representaives, ente elles el mesmu arzobiespu d'Uviéu, Carlos Osoro, que, de momentu, nun respondió al convite.

Contador Estadistiques