La fala, a debate en Tapia

L'institutu Marqués de Casariego celebra a les siete y media d'esta tarde un debate baxo'l títulu de "Presente y futuro da nosa fala" nel que van analizase les circunstancies actuales del gallego-asturiano. Baxo la dirección d'Ignacio Vares, esti centru ye ún de los más comprometíos cola normalización social de la fala eonaviega, organizando cada poco actos rellacionaos con ella. Al debate colos estudiantes del centru d'enseñanza, van acaudir el Director Xeneral de Planificación y Recursos Humanos del Principáu Arturo Verano, el mayestru y escritor Rafael Cascudo Noceda, Xabiel G. Menéndez, representante de l'asociación Xeira, y Xosé Antón González Riaño, de l'Academia de la Llingua Asturiana.