La esposición ‘Voces’ va contar con visites guiaes el 6 y el 13 d’ochobre

|
La esposición ‘Voces’ va contar con visites guiaes el 6 y el 13 d’ochobre

‘Voces. La llingua n’Asturies al traviés de los sieglos’ yá ta abierta al públicu nel Muséu Arqueolóxicu d’Asturies. Hasta’l 14 d’ochobre pue visitase nel recintu uvieín, cola posibilidá de participar nuna visita guiada de baldre los sábados 6 y 13 d’ochobre al meudía.

La reflexón xeneral sobre’l llinguaxe que “cuenta la historia social y cultural d’Asturies dende la perspeutiva de la llingua”, como espresó Xulio Viejo, coordinador de la muestra, a Asturies.com, inauguróse esta tarde cola presencia del conseyeru d’Educación y Cultura, Genaro Alonso, y del diseñador Juan Hernaz, amás del propiu profesor universitariu. Nella, al traviés de paneles y audiovisuales, faise un percorríu históricu dende los oríxenes del llinguaxe hasta la situación moderna, pasando poles les llingües prerromanes, la romanización, la fase medieval y la castellanización.

La esposición, encuadrada nel programa ‘Cuadonga Centenarios’, pue visitase de baldre los miércoles, xueves  y vienres, de 9.30 a 20 hores; los sábados, de 9.30 a 14 y de 17 a 20 hores; y los domingos, de 9.30 a 15 hores. Amás, van ponese visites guaies pa escolares y públicu xeneral, nesti casu los sábados 6 y 13 al meudía, pa lo que ye necesario acutar plaza al traviés del corréu electrónicu splnormalización@asturias.org o del teléfonu 985.10.67.41.

Contador Estadistiques