La escuela rural asturiana perdió más del 50% del alumnáu

El Conseyeru d'Educación José Luis Iglesias Riopedre compareció esta mañana na Xunta Xeneral del Principáu pa falar sobre la situación de los Centros Rurales d'Enseñanza a pidimientu del Grupu Popular.


Según los datos qu'asoleyó Riopedre, la escuela rural asturiana perdió nel plazu d'ocho años, ente'l 1996 y el 2004, más del 50% de la so matriculación, pasando de los cerca de 7.500 alumnos que teníen los Centros Rurales nel 96 a la cifra actual, que ye de de 3.856 escolinos matriculaos. El conseyeru d'Educación, d'otra manera, aseguró que nun van trancase más Centros Rurales Agrupaos (CRAs) anque dio anuncia de que va procedese a la concentración de delles d'estes escueles, anque esa concentración entovía nun pue concretase en cuantes que nun cuenta col preste de los sindicatos d'enseñanza, tando la negociación sobre esti particular allancada dafechu.


La mengua d'alumnos de la escuela rural ye espectacular según los datos oficiales quedio'l conseyeru, llegando en dellos casos a dase una perda de matriculaciónde más del 70% nesi periodu d'ocho años. Ello lleva a la Conseyería a plantegase una reconcentración y pasar dalgún CRA a depender de la Escuela Pública que-y quede más allegada. El Conseyeru aclarió tamién que nun se pretende cambiar de centru a nengún alumnuy amosó la voluntá de diálogu sobre esti asuntu.