La escuela de seronda trata la evolución del asturianu n'autonomía

Como tolos años per esti tiempu, el Conseyu de la Mocedá d'Asturies organiza la tradicional Escuela de Seronda, unes xornaes de reflexón centraes cada añu nun tema d'actualidá sobre'l que se fala en meses reondes, talleres y conferencies.

Nesta edición del 2.002, la Escuela de Seronda faise baxo'l títulu "Venti años d'autonomía" en cellebración de los cuatro lustros d'estatutu, y dedíca-y un día n'esclusiva al problema llingüísticu. La xornada, entitulada "20 años ensin derechos llingüísticos n'Asturies: Un esterminiu invisible" va facese'l domingu día 8, contando cola presencia d'enseñantes d'asturianu, abogaos que trabayen el tema de la defensa xurídica del idioma y veteranos del movimientu reivindicativu. Aparte d'ello, van tratase temes d'actualidá rellacionaos col asturianu, como'l de la TV autonómica, pa lo que se cuenta cola presencia d'Elin Jones, del programa européu Mercator Media y natural de Gales, onde la emisión d'una tv en galés dafechu valió pa que l'emplegu del idioma diere un reblagu que lu salvó de la estinción. Pues ver el programa enteru de la xornada calcando equí

Contador Estadistiques