La Escuela de Doblaxe d'Asturies trai a Cabrera

Ye la voz en castellanu del actor Jim Parsons nel so papel de Sheldon Cooper ('The Big Bang Theory') o de Chris ('Family guy').

Fernando Cabrera va tar güei y mañana n'Asturies pa poner trés clases a los alumnos y alumnes de la Escuela de Doblaxe d'Asturies pertenecientes a les sos promociones quinta y sesta de Cursu Integral qu'ufre esti centru xixonés asitiáu na cai Llibertá númberu 12. Na so presencia nel país, l'actor canariu va dar tamién una conferencia abierta a tola xente interesao esta tarde a les 18 hores na que va falar de la so carrera.

Amás d'a Sheldon o al personaxe de 'Padre de familia', Cabrera dobló na so trayeutoria a Alfredo Linguinni en 'Ratatouille' o al actor Ben Barnes, príncipe Caspian na saga 'Las crónicas de Narnia', ente munchos otros papeles, siendo'l más reciente'l de Kylo Ren, el villanu nuevu de 'Start Wars' nel so episodiu VII, 'El despertar de la fuerza'. Cola so participación na Escuela de Doblaxes d'Asturies, da continuidá a Claudio Serrano, col que comenzó una axenda formativa que periódicamente va ufiertar intervenciones como les mentaes al alumnáu del centru.