La empresa neerlandesa Royal A-ware va abrir la vieya factoría de Danone en Salas n'abril del 2025

La inversión anunciada na planta, que va dar trabayu direutu a 82 persones pa la producción de mozzarella, supera los 50 millones d'euros.

Nel marzu pasáu conocíase l'alcuerdu pol que Royal A-ware, empresa neerlandesa del mundu de la lleche, mercaba la factoría de Danone en Salas cola intención de siguir producciendo nella. Una gran noticia pal conceyu del que güei se conocieron más datos.

La inversión na planta superará los 50 millones d'euros cola intención d'entamar cola producción n'abril del añu qu'entra. La plantía va ser de 82 persones, cantidá asemeyada a la que tenía Danone, y la factoría va centrase na ellaboración de mozzarrella, tipu de quesu frescu del sur d'Italia que s'emplega principalmente en platos de pizza o de pasta.

El destinatariu va ser clientes minoristes y d'hostelería de tol mundu, y la materia prima, lleche de vaca, mayormente de ganaderos asturianos. La empresa necesitaría un total de 150 millones de llitros al añu p'algamar los sos oxetivos de producción.

Semeya de la factoría de Salas propiedá de Royal A-ware.