La emisora "Radio Asgaya" organiza una selmana de la radio

L'Asociación Xuvenil Burbús al traviés del so taller de radio, Radio Asgaya (107.3 fm de Xixón), entama la 5ª Selmana de la Radio, que tien de celebráse del 3 al 12 del prósimu mes de payares.

La Selmana de la Radio ye una propuesta empobinada a averar el mediu radiofónicu al públicu con iniciatives estremaes que seyan del mayor interés. Nesta 5ª edición, amás d'actividaes que yá s'incluyeren n'años pasaos, como la programación en directo, el taller de radio pa escolinos, les charres y conferencies enxértase tamién por primera ocasión un alcuentru de radios llibres de toa España, y una de les xornaes va dedicase a la programación n'asturianu d'esta y otres emisores.


Toles actividaes van facese nel Salón de Actos y l'Aula 1 del Centru Municipal d'El Coto de Xixón, n'horariu de mañana y tarde y con entrada llibre.

La Selmana de la Radio tien la suvención de la Fundación Municipal de Cultura del Ayuntamientu de Xixón y del Institutu Asturianu de la Mocedá, asina como'l patrociniu de la Obra Social y Cultural de Cajastur.
Pa más información, y pa conocer la programación d'esta emisora que lleva yá un bon carráu d'años faciendo una programación variao y alternativo, visitar la web de Radio Asgaya