La DXT anuncia problemes de tráficu pa la Selmana Santa en delles carreteres del país

L’Autovía del Cantábrico (A-8) y les nacionales 632 y 634 van tener problemes de tráficu nesti periodu vacacional, según anunciaron dende la Direición Xeneral de Tráficu (DXT). L’organismu recomienda rutes alternatives cuando sía posible.
 
La DXT estableció un total de cuatro puntos conflictivos pa la operación de la segunda fase de la Selmana Santa –del 20 al 24 de abril–. Éstos son el pasu por Muros del Nalón de l’A-8, con retenciones en sentíu Galicia nel final del tramo de l’autovía; y en Llanes, pol mesmo motivu, en direición a Cantabria. También se prevén atascos na N-632, en Samartín de Lluiña, y na N-634, en Llanes y na llenda con Cantabria nes dos direiciones. Esta previsión se debe a les obras nestes carreteres que pueden dificultar la circulación: na N-632, pola construcción de l’Autovía del Cantábricu, y na N-634 pol estrechamientu de la vía y los disvíos pol desarrollu de los tramos de la autovía.
 
D’esta forma, se recomienda utilizar itinerarios alternativos pa estos casos y pa otros con posibles retenciones. La DXT fixo referencia al usu de la AS II y la AS-17, pa evitar l’usu de la ‘Y’ (A-66) y A-8; pela AS-19 para dir de Xixón a Avilés; pela N-632 pa dir de Llovio a Avilés, evitando asina l’Autovía del Cantábricu; y pela circunvalación d’Uviéu en vez d’usar la N-634.