La COVID-19 provoca la muerte de dos asturianos

El númberu de finaos asciende a 3 nel país, mentes que se rexistren 52 casos más.

Una muyer de 95 años que residía nel xeriátricu del ERA de Grau foi la segunda víctima de la COVID-19 n'Asturies na tarde d'ayeri. Hores más tarde morría un home de 85 años que, al igual que la primera, taba ingresáu nel Hospital Universitariu Central d'Asturies (HUCA).

Son les víctimes númberu 2 y 3 de la enfermedá causada pol coronavirus SARS-CoV-2 n'Asturies depués d'Avelino Uña, salesianu de 68 años qu’exercía de xefe d’estudios nel colexu de la Fundación Masaveu y contaba con patoloxíes previes, que finaba'l día 11. La muerte del home de 85 años nun queda entovía rexistrada nos datos oficiales por asoceder depués de les 20 hores, cuando les comunidaes tán obligaes a mandar los datos al Ministeriu de Sanidá, que los centraliza, tres la declaración del estáu d'alarma.

Los rexistraos ayeri nel país confirmen la dinámica de mediu centenar de positivos diarios. Si'l martes foron 49 más y el miércoles 50, el xueves la cifra foi de 52 p'asitiar el total en 344. Nesta cantidá tán incluyíos les trés muertes y doce altes, de les que los seis los pacientes tán curaos, mentes que seis persones tán na UCI del HUCA.

Semeya obra de Zulio baxo llicencia CC BY 2.0.