La Constitución Europea, n'asturianu

La Conseyería de Xusticia, Seguridá Pública y Rellaciones Esteriores ta acabante d'espublizar el Testu de la Constitución Europea n'asturianu col oxetivu "de siguir impulsando l'usu d'esta llingua n'ámbitos institucionales".

Dientro de les actividaes que la Conseyería ta faciendo pa la difusión del Tratáu constitucional, enxértase la preparación d'una versión íntegra n'asturianu del tratáu constitucional. La traducción, de la que s'encargó'l personal de la Oficina de Política llingüística del Gobiernu del Principáu d'Asturies, va tar disponible na web especial de la Conseyería d'Asuntos Esteriores sobre la Constitución Europea dende mañana mesmo, según ta acabante d'anunciar el departamentu de gobiernu que dirixe Javier Valledor. La campaña pública pa dar a conocer la Constitución Europea ente los ciudadanos asturianos va contar tamién col repartu d'una edición resumida del testu constitucional
de la qu'una parte de la tirada va facese n'asturianu y con otros materiales na llingua del país