La Conseyería d’Educación caltién la esperanza pola disposición de la ministra pa cola especialidá docente

|
Enceráu

Hai 270 mayestros interinos de Llingua Asturiana y Lliteratura que dependen de la decisión.

El alcuentru el miércoles en Madrid ente Lydia Espina, conseyera d'Educación, y Berta Piñán, conseyera de Cultura, Política Llingüística y Turismu, cola la ministra d’Educación, Pilar Alegría, tuvo motiváu pol refugu del Ministeriu de reconocer y crear la especialidá docente del profesoráu de Llingua Asturiana y Lliteratura nel mes de febreru. Tamién tuvo presente el xeneral téunicu del Ministeriu, Liborio López, p’asesorar de forma xurídica.

La comitiva asturiana treslladó la situación que “afeuta a 270 mayestros y dalgunos lleven dende l’añu 84 siendo interinos, ensin tener posibilidaes de munches coses: ensin tener la oportunidá d’opositar, de posase nuna plaza, de facer un concursu de tresllaos, de dir a otra comunidá si asina lo quieren”, como espuso Lydia Espina. Ye “irregular” y “inxusta”. La conseyera d'Educación agradeció amás “la bona disposición de la Ministra” .

Pela so parte, Berta Piñán defendió que'l diálogu col Ministeriu d'Educación tien que "siguir" mientres tola llexislatura, anque almitió “la dificultá que lleva consigo que l'asturianu nun sía llingua oficial. Esploráronse munches víes y toes elles tienen dificultaes. Sicasí, vamos tar sollertes a que s’abra cualesquier nueva vía”.

Al so xuiciu, yera "importante" axuntase cola ministra y volver esponer una "reivindicación xusta", y sorrayó’l "entendimientu y cordialidá" nel conceyu cara a cara y que Pilar Alegría paez “sensible” al estáu del profesoráu. Berta Piñán y Lydia Espina coincidieron en que “esta comunicación tien de continuar y nosotres tamos dispuestes a siguir hasta’l final de la llexislatura. Como suel decise, nun vamos quitar el deu de la ringlera”.

Hai más información del tema nesta noticia.

Contador Estadistiques