La conseyería de Xusticia presenta un portal pa la emigración

El conseyeru de Xusticia Francisco Javier García Valledor presentó ayeri'l portal "Emigrastur" que quier ser una ferramienta qu'apaute un contactu permanente ente la Conseyería y la emigración asturiana. Como demostración de les posibilidaes que pue aportar internet a la comunicación ente l'Asturies esterior y la interior, nel actu d'inauguración del portal acabante d'estrenar celebróse una videoconferencia con Gabriel Quintero y Leonardo Quercetti, dos mozos del Centru Asturianu de Mendoza, n'Arxentina, onde se celebró'l mes de xineru'l Primer Alcuentru de mocedá pola asturianía, d'au salió la petición de crear esti portal . Valledor, qu'aplicó la espresión "facer una comunidá virtual" pa referise al enfotu col qu'echa a andar esta web, esplicó qu'Emigrastur va a enxertar les noticies rellacionaes cola emigración que xenere'l mesmu Gobiernu asturianu y tamién un estoyu de prensa coles noticies rellacionaes cola emigración qu'apaezan nos medios de comunicación asturianos, ello amás d'otros preseos interactivos como les canales de chat pa la emigración asturiana.
Entrar a Emigrastur