La Conseyería de Xusticia d'Asturies propon un plan pa la conservación de documentos de les parroquies rurales

La Conseyería de Xusticia va desenvolver un programa d'apoyu pa la recuperación y conservación de la documentación qu'existe les parroquies rurales d'Asturies, nun esfuerzu por meyorar la conservación y conocimientu del derechu consuetudinariu asturianu. El Principáu apuesta tamién por conservar el material nel Archivu Históricu d'Uviéu.

Asina lo esplicó'l conseyeru de Xusticia, Francisco Javier García Valledor, acompañáu de la directora xeneral de Xusticia, Pilar Jiménez y del presidente de la Federación Asturiana de Parroquies Rurales, José Fernández, tres d'una reunión que tuvieron colos representantes parroquiales pa tresllada-yos los sos proyectos. L'entamu del plan de conservación va implicar la firma de convenios coles parroquies, que, de cualquier manera, van caltener la titularidá de los documentos anque estos se centralicen nun hipotéticu archivu que bien podría ser l'históricu d'Asturies. Dientro d'esti programa de recuperación del derechu consuetudinariu, la conseyería que dirixe Valledor va facer unes xornaes de divulgación sobre estos documentis

Nes parroquies rurales esisten importantes documentos que van dende llibros d'actes hasta contabilidaes o pleitos vecinales que lleguen desde la edá moderna hasta'l mesmu sieglu XX. Munchos d'estos documentos tán perdiendose por falta de medios pa la so recuperación y dalgunos cayeron yá en manes privaes.