La Conseyería de Salú informa d'una muerte más con COVID-19

|

Tamién reduz otra vegada la serie de curaciones, nesta ocasión en 2 persones.

Depués de dos díes ensin muertes con COVID-19, Asturies tornó a rexistrar una ayeri, la 339. En tola selmana, el país tuvo que llamentar cuatro finaos magar los 20 díes ensin contaxos que suma.

El 15 de xunu foi l'últimu día na que la Conseyería de Salú comunicó un positivu nuevu de coronavirus SARS-CoV-2. Poro, el total de casos detectaos por PCR sigue en 2.435.

Trés curaciones menos

Los datos d'ayeri tornaron a soprender pola mengua del númberu de persones con alta epidemiolóxica. Si'l miércoles la conseyería anunció la esistencia de 2.064 curaciones, el xueves baxó la cifra a 2.063 y ayeri a 2.061.

Otra manera, yá nun queden pacientes ingresaos en planta y na UCI siguen 4.

Contador Estadistiques