La conseyera de cultura gallega dio un discursu en gallegu en Grandas

La conseyera de cultura gallega Anxela Bugallo participaba ayeri nún actu conxuntu cola so homóloga asturiana Ana Rosa Migoya nel que se presentaben les obres de remocique que se fexeren p'aquella parte nel camín de Compostela. La conseyera gallega, del BNG, mandose del gallegu pa falar énte'l públicu presente, faciendo tol so discursu nesta llingua ente les quexes de bona parte de los asistentes al actu, ente los que taba'l diputáu del PP Rodrigo Grossi. Ello ye que'l BNG defende que nos conceyos del Navia-Eo fálase gallegu, siendo qu'esta fuerza política inclúi na so acción de gobiernu la voluntá de llevar alantre polítiques de normalización del gallegu nel occidente d'Asturies.

L'alcalde de Fonsagrada tamién entamare la so intervención en gallegu, pero cambiare al castellanu énte les quexes del públicu. La que fizo dafechu tola so intervención en castellanu foi la conseyera asturiana Ana Rosa Migoya, que quixo quitá-y fierro a la polémica emponderando la sintonía ente les dos alministraciones na recuperación del camín de Compostela. L'alcalde de Grandas aseló tamién la tensión defendiendo'l derechu de caún a espresase na so forma de falar correspondiente.