La selmana qu'entra tienen de debatise los presupuestos de la Mancomunidá del cabu Peñes, na que tan los conceyos de Lluanco y Gozón. Ello ye que por primer vegada, estos presupuestos podríen acutar una partida pa echar a andar una serviciu de normalización nestos dos conceyos marineros asitiaos ente Xixón y Avilés.
La iniciativa pa la creación d'esti serviciu salió de la Xunta Pola Defensa de la Llingua de Carreño, estaya local de la organización qu'echó a andar en xineru d'esti mesmu añu. La propuesta de la Xunta cuayó bien nel ayuntamientu de Carreño, y tolos grupos tuvieron d'alcuerdu con ello, anque foron los conceyales del PSOE y el d'Andecha Astur los que llevaron más activamente la propuesta de la Xunta, qu'agora ta pa facese realidá nun ámbitu superior al del mesmu conceyu como ye'l de la mancomunidá.