La Comarca de la Sidra convoca la V Edición de los sos concursos

Dempués de tener más de trescientos participantes nes cuatro ediciones que se lleven feches hasta agora, el Serviciu de Moceá de la Comarca de la Sidra, la V edición de los concursos d'audiovisuales "Creación"

El plazu de matrícula ta abiertu hasta'l 14 d'ochobre nes estayes de Cómic n'asturianu (tercera edición), Curtios Animaos (quinta edición) y nel certame de Fotografía "mil palabres" que llega tamién a la so quinta edición. Los premios del certame xuben enforma gracies al patrociniu de Caxastur, llegando a los mil euros nel casu del certame de Fotografía y el d'Animación y a los quinientos na estaya de Cómic.

Dende qu'echaron a andar estos concursos, l'aceptación y popularidá de los mesmos ye mui grande, recibiéndose trabayos pal certame de curtios dende llugares como Estaos Uníos, Suecia o Colombia. Tamién ye la estaya que dio hasta agora premios más viaxeros, yendo la última edición a Badajoz. La estaya de fotografía na que ganó l'añu pasáu el fotógrafu Julio Calvo González, presenta un altu nivel competiivu, mientres que la de cómic n'asturinu presenta siempre una participación pequeña pero de mui alta calidá, al dicir de los responsables del concursu. El coollaborador d'Asturies.com Enrique Carballeira foi'l ganador de la última edición col trabayu "Fast food and love". Pa más información ye preciso contactar col serviciu de Mocedá y Cultura de la Comarca de la Sidra
que tien oficina en Nava (985 71 66 53) y en Villaviciosa (985 89 12 57).