La Col.la Propinde van grabar el so segundu discu con L’Aguañaz

La Banda de folk La Col.la Propinde vuelve dempués d'una temporada en que los miembros del grupu l.lenizu anduvieron desapaecíos de la escena musical. Según comentóa Asturies.com David "el cai" xiblateru de la banda, La Col.la Propinde yá ta preparando los temes pal que va ser el so segundu discu, que cuenten con entrar a grabar n'ochobre y que va asoleyar la casa l'Aguañaz. El repertoriu d'esti segundu trabayu, que va llegar dos años depués d'aquel famosu "l.l" va ser continuista col espíritu de la banda, ufiertando folk-fusión con delles influyencies de reggae y otros estilos. El grupu nun quier adelantar el títulu del discu nin los de los cantares, anque sí anuncien que va haber dello de composición propio sobre temes tradicionales y dalguna pieza irlandesa adaptada al estilu de La Col.la Propinde, una banda que d'otra manera presenta cambeos d'importancia sobre la so formación orixinal que se concreten na entrada d'un nuevu cantante al grupu cola voz de "Lolo" y la collaboración de José Alberto Cano cola guitarra acústica, mientres que los demás puestos queden como taben, con Alex Domínguez de gaiteru y coros "Gelete" a la bateria, Lluis Moro nel curdion y teclaos, David al baxu y David "el Cai" cola xiblata.

Primero d'entrar a grabar, La Col.la Propinde va dar unos pocos conciertos, ente los que'l primeru va ser el que dean esti mesmu fin deselmana en Fuengirola (Málaga) dientro de la "Feria de los Pueblos y Ciudadesde Málaga" un acontecimientu qu'axunta tolos años a más de 500.000 persones alredor de la música y la cultura, con representaciones de distintos llugares del estáu y del mundu. Con ellos va tar ellí'l grupu "La Tarrancha" y tamién dos bandes de gaites asturianes. Tres d'ello, La Col.lá Propinde van tocar na nueche folk de Baiña y na foguera de San Xuan en Xixón.