La CIA a favor de caltener les tropes n'Irak si asina lo pide'l gobiernu iraquín

WASHINGTON, 9 de Xunu (Reuters/EP) El director de la CIA, Leon Panetta, aseguró qu'Estaos Uníos tendría que caltener les tropes esplegaes n'Iraq si'l so Gobiernu lo solicita, nunes declaraciones realizaes esti xueves mientres una comparecencia ante'l Senáu norteamericanu. El nomáu pol presidente Barack Obama p'asoceder a Robert Gates como secretariu de Defensa estaounidense asintió con un "sí" a preguntes sobre si Washington tendría qu'aceptar un hipotéticu pidimientu d'Iraq pa que les tropes norteamericanes ellí esplegaes nun se retiraren a últimos del 2012, la fecha llenda negociada por ambes alministraciones.