La casa química

La organización ecoloxista Greenpeace presentó ayeri l'informe "Consumiendo Química. Les sustancies químiques nel polvu de casa , como indicador d'esposición química", nel que s'analicen los datos de 22 viviendes españoles (ente elles una d'Uviéu) peles que Greenpeace pasó l'aspiradora pa pañar muestres de los compuestos químicos peligrosos pa la salú que puen alcontrase ente'l polvu que se posa nos nuestros armarios y suelos y que vienen de la descomposición d'oxetos que tienen esos químicos, bien d'ellos peligrosos pa la salú, na so composición.

Ente los compuestos químicos qu'apecieron nel analís atopáronse talatos, pirorretardantes, bromaos, compuestos organoestánnicos, parafines cloraes de cadena curtia y resclavos de nonilfenol.

Según Greenpeace, estes sustancias lleguen a les cases al traviésde los productos de consumu, enxertaes nellos como aditivos químicos na composición d'una bayura de productos como plásticos, perfumes, cosméticos, xuguetes, ropa o pintura.

Según l'informe de Greenpeace, qu'incluí análisis d'otros cuatro países, en cada gramu de polvu hai 1 miligramu d'estes sustancies, que son tósiques, según esplica la organización nun documentu de 62 fueyes. La campaña de Greenpeace coincide col debate na UE sobre la reforma de la llexislación pal control de les sustancies químiques, basada nun bancui de datos nel qu'apaecen más 30.000 químicos, bien d'ellos susceptibles de prohibise. Greenpeace denuncia que la industria química ta presionando a la Comisión Europea pa qu'ablande la llexislación.