La Caravana rural de Podemos llega a Uviéu

La Caravana Rural de Podemos lleva percorriendo los pueblos asturianos dende'l pasáu xueves p'averar les polítiques que se faen nesta materia nel Parlamentu Européu.

La iniciativa llega esti martes, 19 de xunetu  a la Plaza del Fontán de la capital asturiana con un actu sobre soberanía alimentaria.

Nel actu, qu'entama a les 20 hores, va participar José Esquines como espertu en fame y probeza a nivel mundial. Xunto a él va tar la eurodiputada de Podemos Estefanía Torres y la diputada autonómica Paula Valero. Torres va falar sobre la necesidá del marcu de la soberanía alimentaria pa encuadrar les polítiques agraries y alimentaries n'Europa. Pela so parte, Valero va centrar la so intervención nes iniciatives que lleva a cabu Podemos en Asturies al respective del comerciu de proximidá o la obligatoriedá de que los comedores públicos merquen producción local, ente otres. L'actu va ser presentáu pol conceyal d'Economía nel Ayuntamientu d’Uviéu, Rubén Rosón.