La bolsa nun quier a Zapatero

Los mercaos bursátiles siguen marcaos poles cayíes de los principales índices. Les duldes sobre la recuperanza económica nos Estaos Xunios xunta'l riesgu de nuevos atentaos terroristes tan tirando p'abaxo peles bolses. Na Bolsa de Madrid l'Ibex-35 tuvo un pieslle en negativo. La resaca electoral nun-y presto a la comunidá inversora.

Muncha volatilidá nos mercaos internacionales. Nel Vieyu Continente, Francfort foi'l parqué mas dañáu pola sicosis terrorista. La Bolsa de Llondres tamién sintió sobremanera l'atentáu de Madrid y les reacciones polítiques que vinieron darréu. Wall Street tuvo una permala col índiz Dow Jones marcando un -1,06% mentanto que'l tecnolóxicu Nasdaq cayó'l 1,12%. Nes últimes dos selmanes les bolses de New York tan perdiendo la mayor parte de les ganancies d'esti añu.

El trunfu del PSOE xunta l'amenaza terrorista fundieron el parque madrilanu nuna selmana mui tensa. La sorpresa del resultáu electoral tracamundió les perspectives de los analistes que s'enfotaben en que diba siguir el PP. El nerviosismu de los brokers a la posibilidá de nuevos atentaos y al camín que puea entamar el nuevu gobiernu de José Luis Rodríguez Zapatero. El vienres pasáu l'Ibex mangóse nos 7.879,10 puntos lo que (cayida selmanal del 1,9%). El volume de negociu foi mui baxu mentanto que'l vencimientu de futuros frenó les perdes del vienres. Ente les xubes destacaron Arcelor, BBVA y Altadis. Nel llau de les perdes tuvieron Mapfre, ENAGAS, NH Hoteles, Sogecable, Banesto y Gamesa. El Grupu Telefónica tuvo una selmana bien feble onde Móviles caltuvo la presión y pudo trancar en positivo.

Selmana de blincos nel mercáu de materies primes. El petroleu caltiénse penriba los 30 dólares barril pesllando'l vienres en 33 dólares el barril Brent. Nel mercáu de divises l'euru sigue en xuba llibre algamando los 1,228 dólares unida dempués d'una selmana raspiando los 1,24.