La Biciescuela d'Asturies ConBici torna otru añu más pa formar ciclistes

|

Esti sábadu celebróse n'Uviéu una sesión de la Biciescuela d'Asturies ConBici. Neños y neñes pudieron participar nuna clase de nivel 0 que punxeron los voluntarios d'esti coleutivu en La Florida. N'abril habrá dos más, una d'elles en Xixón.

La Biciescuela consiste en deprender, al traviés de cuatro niveles de dificultá, a circular en bicicleta de manera autónoma y segura. Nesta primer sesión del añu impartiéronse dos talleres de nivel 0 —tamién p'adultos—, el más básicu, destináu a les persones que nun saben montar y quieren prauticar pa pedaliar n'equilibriu.

Esta actividá ye abierta a tol mundu y de baldre dafechu, anque hai que facer una inscripción previa p'acutar plaza. Pa ello han d'utilizar la plataforma Evenbrite.

De momento tán previstos talleres nuevos en Xixón y Uviéu pal 9 y 16 d'abril, de manera respeutiva. Nel primer casu va ponese ún de nivel 0 pa neños y neñes, y otru de nivel 1 p'adultos, mentes que pal segundu van ser dambos de nivel 1. L'horariu de les clases ye de 11 a 13 hores.

Calca equí pa más información.

Contador Estadistiques