La Bandina'l Tombo toca en Xixón

El café Trisquel de Xixón sigue cola so bona costume d'entamar conciertos, ello ye qu'esti xueves va ser el turnu de la Bandina'l Tombo.

L'escenariu del Trisquel de Xixón trai esta selmana a una de les meyores bandes de folk que rescamplaron l'añu pasáu peles nueches folk d'Asturies. Esta banda confirmó nel 2004 lo que tol mundu esperaba d'ellos, un bon trabayu musical que quedó espeyáu nel so primer discu. Pa la temporada d'anguaño'l cuartetu nun baxó'l nivel, y quier entamar a demostralo esti xueves a les 21:30 hores nel Café Trisquel de Xixón. Nes próximes selmanes el local xixonés va siguir entamando actuaciones de toa triba, como por poner un casu, la del monologuista "Cellero", que va actuar el xueves de la selmana qu'entra a la mesma hora.