La Bandina y Dixebra güei en Xixón

Tres de la esperiencia del añu pasáu, les fiestes de la parroquia xixonesa de Castiello vuelven a reserva una de les sos nueches pa la música asturiana, rock y folk pal día de San Pedro.

Güei día 29 ye San Pedro, y poro, ye fiesta en Xixón. Amás por estes feches Castiello, parroquia de Xixón, celebra les sos fiestes con varios díes de fiesta nos que tenemos una nueche folk. Na d'anguaño tenemos a dos grupos de que nun hai duda de que pueden entamar una bona folixa, per un llau a eso de les 22:00 hores va tocar La Bandina, que repite actuación nesta nueche folk, y que ta recibiendo perbones crítiques del so discu nuevu "De romandela". Piesllen la nueche Dixebra, que tan dando los sos primeros conciertos colos cantares del so últimu trabayu discográficu, "Ensin Novedá", que d'equí a pocos díes va tar nes tiendes.