La Banda Gaites Villaviciosa-El Gaitero protagoniza un espectáculu didáuticu de lluz y soníu

La plaza de Caveda y Nava, en Villaviciosa, va acoyer esti xueves la representación de ‘La noche de la gaita’. Va consistir nun espectáculu didáuticu de lluz y soníu protagonizáu pola Banda Gaites Villaviciosa-El Gaitero.
 
La conocida formación maliaya entama esti eventu en collaboración cola Fundación José Cardín Fernández per segundu añu consecutivu. Trátase d’un espectáculu que describe la evolución de la música tradicional asturiana tomando como referencia’l so instrumentu más significativu. Lluz, soníu y música en direutu pa conformar un espectáculu nel que tamién van incorporase otros instrumentos como violines, flautes o clarinetes.
 
Esta representación, que va principiar a les 22 hores, ta encuadrada dientros de les actividaes culturales de branu de la Fundación José Cardín Fernández y coincide col vixésimoquintu aniversariu de la Banda Gaites Villaviciosa-El Gaitero.