L’Autovía Minera va sufrir un corte de tráficu dende les 23 hores del xueves

Los conductores que circulen pela Autovía Minera a última hora del xueves van tener qu’esviase polos enllaces de Riañu y Bendición. La vía va tar cortada per cinco hores, dende les once de la nueche, por obres na llinia eléctrica Soto-Penagos.
 
Nesi tiempu, los operarios van proceder a retirar el pórticu de proteición que se mantién sobre la vía dende’l mes d’ochobre pa que la Rede Eléctrica Española fixera trabayos na llinia eléctrica Soto-Penagos, según informó güei la Direición Xeneral de Carreteres. El corte de l’AS-1, que xune Xixón y Mieres, va facese nel puntu quilométricu 13,600 y va durar dende las 23 a les 4 hores, yá vienres.
 
Carreteres señala que los esvíos, polos enllaces de Riañu y Bendición, van tar bien señalizaos.