L’asturianu, octava llingua minoritaria más utilizada en Twitter según Indigenous Tweets

2 Setiembre, 2013 por Redacción

Inicie sesión o rexístrese pa espublizar comentarios

Kevin Patrick Scannell, profesor del Departamentu de Matemátiques y Informática de la Saint Louis University, sitúa a l’asturianu como la octava llingua minoritaria más utilizada en Twitter. La primera de la clasificación ye l’eusquera.

La web Indigenous Tweets, dedicada a la presencia de les llingües minoritaries en Twitter y creada pol propiu profesor estauxunidense, cifra’l númberu d’usuarios qu’empleguen la llingua asturiana nesta rede social tan popular en 749. Estes persones punxeron en circulación 254.257 ‘tweets’ o mensaxes, lo que coloca al asturianu como la octava llingua minoritaria más utilizada en Twitter. La clasificación ye liderada pol eusquera, con 17.042 usuarios y 4.629.179 de mensaxes, siguíu del criollu haitianu (14.267 y 3.801.664) y del galés (14.218 y 2.461.608). Tán tamién perriba de la llingua asturiana’l pampangu (Filipines), el frisón, el setswana (Botsuana, Sudáfrica, Zimbabue y Namibia) y el gaélicu (Éire).

Nesta clasificación nun apaez nin el catalán nin el gallegu, mientres que l’aragonés rexistra 80 usuarios y 54.292 ‘tweets’. Otra manera, la llista inclúi'l montañés, variante del astur-lleonés, baxo’l nome de 'cántabru', con 13 usuarios y 28.523 mensaxes.

Comentarios

pachu wrote on 2 Setiembre, 2013:

liyendo isto pae, que ta fechu muncho camin pola LLINGUA ! La realida non ye asina, nin se falla pola xente, ni la toponimia ta fecha i se respeta!.
Los vascos daprediron la so llingua y falenla, entamando pel gobiernu. Na Asturias nin lo uno nin l'otro.
con Twitter non ye un arroblagu pa lantre, si los asturianos se avergoñen de falar la so LLINGUA.
I quien non lo ve ta ciegu !!