L’Aeropuertu d’Asturies aumentó’l tráficu de pasaxeros en xineru

El númberu de pasaxeros del Aeropuertu d’Asturies medró un 14 por cientu en xineru en comparanza coles cifres rexistraes nesi mes l’añu pasáu. 87.700 foi’l númberu de persones qu’utilizaron l’aeródromu de Santiagu’l Monte nesti periodu.
 
L’incrementu del númberu de viaxeros vino acompañáu d’un aumentu de les operaciones. Asina, nesti tiempu hubo 1.237 aterrizaxes y despegues, lo que supón un 19 por cientu más qu’en xineru del 2010. Estes cifres sitúen al Aeropuestu d’Asturies como ún de les instalaciones con un crecimientu mayor de pasaxeros al doblar la media de los aeródromos d’AENA, que medraron nun 6 por cientu.
 
N’actualidá, l’aeropuertu asitiáu nel conceyu de Castrillón ye’l sestu de los 47 del Estáu en crecimientu del númberu d’operaciones.