L’autonómica entrúga-yos a los sos trabayadores si-yos interesa deprender asturianu

L'Ente Públicu de Comunicación del Principáu d'Asturies ta unviando a la so plantiya de trabayadores una carta xenérica na que se-yos entruga pol so posible interés en recibir, de manera voluntaria, cursinos d'asturianu. Anque de momentu la carta de la directiva de la RTPA nun pasa de ser una ufierta xenérica a la que los trabayadores han responder, el Director de Política Llingüística del Principáu d'Asturies Ramón d'Andrés confirmó ayeri a Asturies.com la esistencia de contactos cola directiva del Ente col oxetivu de llevar alantre iniciatives de formación en llingua asturiana pa los trabayadores de la radiotelevisión autonómica. En cualquier casu, d'Andrés aclarió qu'estos contactos entovía nun cuayaron n'alcuerdos concretos.