L’alcordanza a Ígor Medio y Carlos Redondo presidió la fiesta de la oficialidá

Un minutu de silenciu n'alcordanza a Ígor Medio y Carlos Redondo, los dos músicos de "Felpeyu" fallecíos la otra selmana n'accidente de tráficu, entamó les celebraciones de la Fiesta de la Oficialidá, que vivió esti sábadu'l so día grande. L'alcalde yerbatu, Emilio González, recordó que los músicos desapaecíos defendieron, "lo mesmo que nosotros, la oficialidá de la llingua".

Les figures insostituyibles d'estos dos grandes artistes esmuciéronse tamién pente'l pregón de la fiesta que lleó'l profesor de filoloxía Xulio Vixil Castañón, que se centró nel argumentu de que la defensa de la llingua nun ha venceyase a la ideoloxía política de caún nin con partidismos, motivu pol qu'atacó al presidente asturianu Vicente Álvarez Areces, del que dixo que yera'l "presidente de l'asturfobia" calificando d'otra manera a Ana Rosa Migoya de "Conseyera d'Incultura" . Castañón espurrió l'argumentu acusando a los estremaos gobiernos asturianos de llevar al so pueblu a los "a la condición animal al negá-yos el derechu de falar la so propia llingua"