Ken Loach en Xixón

El director de cine inglés Ken Loach confirmó la so presencia nel ciclu retrospectivu que-y va dedicar los próximos díes 11, 12 y 13 de xineru l'Atenéu Obreru de Xixón dientro del ciclu "Atenéu de Película" que n'anteriores ediciones ocupóse de la obra de directores como Andrei Tarkovski o Bresson y que na so edición del 2005 va proyectar cuatro títulos del director inglés

Les proyecciones de Ken Loach van ser en teatru Xovellanos en sesión doble los díes 12 y 13 a les ocho y media de la tarde acutándose la fecha del día 11 pa un alcuentru ente los medios de comunicación y el director, al que l'Ayuntamientu va facer una recepción solemne'l día12. Los títulos a proyectar van ser Raining Stones (Lloviendo Piedres), del 1992; My name is Joe, del 1998; The Navigators (La Cuadrilla), del 2001, y Sweet Sixteen (2002).