K-Nalón, el rap n’asturianu llega a la rede

K-Nalón son una de les apuestes más interesantes dientro de laescena hip-hop asturiana, na que, anque los más de los grupos garren el castellanu como llingua d'espresión, tamién alcontramos proyectos qu'empleguen l'asturianu como ye'l casu de "Testimoniu la Viztima"o'l que nos ocupa güei, K-Nalón, un grupu nel qu'alcontramos a Ceeris, compositor de les bases rítmiques de los famosos "Stoned Atmosphere" funcionando tamién como pegoyu de la rítmica de "K-Nalón" y nel que la parte vocal ta al cargu del raperu "Tori".

K-Nalón tan acabante d'estrenar una web propia na que ye posible descargar dellos de los sos temes en formatu mp3, lo mesmo que d'otros grupos hip-hop asturianos, ente ellos "Testimoniu la Viztima" "13 palabras" y "Buddah".

Pa poder sentir en directo'l soníu de K-Nalón nun hai más qu'allegase la nueche de güei martes 19 hasta la Sierra'l Trabanquín (L'Entregu, xunta'l Muséu de la Minería) onde comparten escenariu con Stoned Atmosphere, que presenten el so nuevu trabayu "Issue 4". Ello va ser a partir de les 23:00h