Juanele ficha pol Terrassa

Juan Castaño Quirós "Juanele" ta acabante de fichar pol Terrassa, conxuntu de segunda división. El veteranu futbolista asturianu (33 años) dexa asina la disciplina del Zaragoza de primera división, col que finaba contratu esta temporada y alcuentra asina abellugu nel proyectu de Juanma Lillo, que puxó pola presencia del asturianu nel equipu catalán. La presentación del xugador podría ser pal vienres

Xugador de primera división dende la campaña 91-92 col Sporting, pasando dempués al Tenerife y Zaragoza, col que ganó l'añu pasáu la Copa'l Rei, tuvo tamién l'honor de ser el capitán de la Selección Asturiana nos dos primeros partíos que xugó, marcando'l primer gol de la etapa moderna del conxuntu asturianu nel partíu contra Macedonia. Con 66 goles marcaos en Primera en 338 partíos, Juanele xugó tamién 5 partíos cola camiseta de la Selección Española, marcando 2 goles.