Jim Carrey y la vida d'Edith Piaf protagonicen les estrenes de la selmana

El regresu a les pantalles del perconocíu actor canadiense Jim Carrey
con "El
número 23" y la vida de la cantante farncesa Edith Piaf son les
estrenes que mas rescamplen esta selmana nes pantalles asturianes. "El
número 23" ye un thriller dirixíu por Joel Schumacher
-director de dos de les entregues de Batman o de "Un día de
furia"- y cuenta la historia d'un home al que llega a les sos manes una
novela d'asesinatos que misteriosamente paez qu'espeya la vida del protagonista
y na que'l númberu 23 xuega un papel estrañu, nesta historia
qu'acaba por obsesionar al personaxe de Jim Carrey.

La vida de la cantante francesa Edith Piaf -intérprete de canciones
como "La vie en rose" o "Non, je ne regrette rien"-
llévase a la pantalla na película
"La vida en rosa".
Interpretada por Marion Cotillard, cuenta la historia de l'artista más
célebre de la Francia de posguerra y como dende los "barrios
baxos" de París llegó al éxitu, tres criase en medio
de la probeza, gracies a la so voz y sos romances y amistaes colos grandes
nomes de la época. Mas estrenes nos cines d'Asturies na nuesa
cartelera.